prosiect argraffu dylan thomas especially when the october wind
rydych chi nawr yn: PROSIECT ARGRAFFU DYLAN THOMAS | Y PROSIECT ARGRAFFU | HANES Y PROSIECT
HANES Y PROSIECT
CYTUNODD DEUDDEG GWNEUTHURWR PRINTIAU O WEITHDY ARGRAFFU ABERTAWE I GYDWEITHIO AR BROSIECT I NODI HANNER CAM MLWYDDIANT MARWOLAETH DYLAN THOMAS YM MIS TACHWEDD 1953. BYDDAI POB ARTIST YN Y Y PEN DRAW YN CYNHYRCHU UN DDELWEDD A FYDDAI'N RHAN O SET O DDEUDDEG PRINT MEWN BOCS.
LLWYDDODD Y PROSIECT YMA GYFLAWNI EI NOD O GANLYNIAD I GRANT DATBLYGU CYNHYRCHU A CHYNULLEIDFA GAN GYNGOR CELFYDDYDAU CYMRU, A DECHREUODD Y PROSIECT YM MIS HYDREF 2002.
Buom yn gweithio'n agos gyda David Woolley o Ganolfan Dylan Thomas, Abertawe, ac roedd ei gefnogaeth a'i anogaeth yn werthfawr dros ben yn enwedig yn y cyfnod cynnar.
Ein cylch gwaith ni fel artistiaid oedd ailgysylltu ag agwedd o waith cynnar Dylan Thomas o'i gyfnod yn Abertawe. Roeddem yn credu y byddai ein profiadau, ein cefndir a'n hoedran amrywiol yn cynhyrchu canlyniadau diddorol a gwahanol. Yn ein cyfarfodydd cynnar buom yn darllen ac yn trafod gwaith Dylan gan arwain at gonsensws ar agwedd benodol. Hefyd daeth Dr Chris Wiggington o Goleg y Drindod Caerfyrddin, gyda Victor Golightly a Dr Richard Chamberlain i gyflwyno seminar anffurfiol o'u barn. Roedd yn cysylltu â'r hyn roedd rhai ohonom eisoes yn ei wneud yn reddfol, ond bu'n fodd i ni ganolbwyntio'n fwy eglur a gweithredu fel catalydd i ragor o syniadau. Nid ein bwriad oedd cynhyrchu lluniau yn ystyr mwyaf cyfyng y gair, a bu hon yn broses ddefnyddiol, llawn asbri.
Bu GÝyl Dylan Thomas yn Abertawe, a gynhelir o Hydref 27ain (ei ddyddiad geni) i Dachwedd 9fed (dyddiad ei farwolaeth) bob blwyddyn, hefyd yn bwydo i'r broses gyda rhaglen gyfoethog o ddigwyddiadau, darlleniadau, siaradwyr a darnau prin o ffilm.
Yn y pen draw penderfynwyd canolbwyntio ar y gerdd 'especially when the october wind'. Roeddem yn teimlo y byddai deuddeg dehongliad o'r un testun yn fwy diddorol na deuddeg dewis unigol a byddai'n arwain at gasgliad mwy cydryw o brintiau.
Yn ein cyfarfodydd rheolaidd hyd at ddiwedd 2002 roedd yn amlwg y byddai'r printiau'n amrywio, nid yn unig o ran delweddau ond hefyd mewn agweddau technegol. I rai artistiaid roedd y prosiect yn gyfle i ddatblygu dulliau gweithio oedd yn newydd iddyn nhw. Roedd hyn yn gyffrous ac yn ddiddorol ac yn werthfawr dros ben i'r arfer gwaith cyffredinol yn y stiwdio gan gyflawni un o nodau pwysicaf y prosiect. Roedd y rhai a ddaeth yn rheolaidd i'r stiwdio bob wythnos yn gallu dilyn cynnydd y lleill ac elwa o rannu arbennigedd.
Roedd tri Proflun gan bob artist yn barod erbyn Chwefror 2003, braidd yn hwyrach na'n hamserlen wreiddiol.
Mae argraffu'r cant yn y cyhoeddiad wedi'i wneud yn gyfan gwbl â llaw. Mae rhai prosesau'n cymryd cryn amser ac efallai mai dim ond rhyw ddeg print y dydd a gynhyrchir. Bydd pob print wedi'i drin o leiaf ugain o weithiau o ddechrau'r broses gwneud papur i'r arwyddo terfynol a gosod y printiau mewn bocsys.
Mae Profluniau'r Artistiaid wedi'u fframio i ffurfio dwy arddangosfa deithiol a bydd yr un sy'n weddill yn cael ei ddefnyddio fel rhan o raglen gweithdy.
Yn dilyn rhagarddangosfa yn wythnos Cymru y Cynulliad Cenedlaethol ym Mrwsel ym Mawrth 2003, a lansio'r printiau yng Nghanolfan Dylan Thomas ym Mai 2003, cynhelir pedwar gweithdy lle bydd cyfle i'r rhai sydd eisiau bod yn wneuthurwyr printiau gwrdd â rhai o'n hartistiaid i drafod thema sy'n gysylltiedig â Dylan Thomas. Bydd o leiaf un o'r gweithdai hyn ar gyfer pobl ifanc.
Gobeithiwn arddangos y printiau o'r gweithdai hyn yn gynnar yn 2004.
GWEITHDY ARGRAFFU ABERTAWE DYLAN THOMAS 50MLWYDDIANT
Mae Gweithdy Argraffu Abertawe yn cwmni nid er elw sy'n
gyfyngedig trwy warent.
Rhif Companies House 4078671: 19a Stryd Clarence, Abertawe SA1 3QR
gweithdy argraffu abertawe 2003. I weld yr we fan ma ar ei orau defnyddiwch 1024
x 768 ar ie5 neu hwyrach